Cura ha cumanzà la prosa narrativa rumantscha? Tge autur(a)s han scrit tge texts? Daja in gener (roman, ‘novella’, raquintaziun) preferì, e tge temas e motivs vegnan favurisads? Tge pussaivladads existivan en il 19avel tschientaner per publitgar belletristica?
Questas ed autras dumondas interessan nus en il seminari da litteratura da quest semester. Nus legiain e discutain ensemen texts e passaschas dals emprims texts narrativs rumantschs. Ils auturs èn tranter auter Johannes Barandun, J. A. Bühler, Giovannes Mathis, Gion Arpagaus e Giachen Mihel Nay.
Attenziun speziala dain nus als tratgs litterars caracteristics che distinguan quests texts da la litteratura anteriura (religiusa, diaristica, cronistica). In ulteriur focus èn eventuals models d’autras linguas che pon avair influenzà ils auturs tractads.
- Enseignant·e: Renzo Caduff